ІІ күн
Оқушылардың оқу сауаттылық дағдыларын дамытуға арналған аймақтық жоба аясында жоспарға сәйкес мектебіміздің ағылшын тілі пән мұғалімдері Бухарбаева Асемгул Жузбаевна мен Сембекова Марал Калибековна қалалық деңгейде workshop өткізді. Workshop тақырыбы: " Қашықтықтан оқу кезінде заманауи құрылғыларды қолдану арқылы оқушылардың оқу және жазу сауаттылықтарын арттыру". Workshopтың негізгі мақсаты қашықтықтан оқыту технологияларын оқу процесінде қолдану бойынша тәжірибе алмасу. Workshopта ағылшын тілі пән мұғалімдері " Shadowing", " Board game" техникаларымен таныстырды. Сонымен қатар қазіргі күнделікті ағылшын тіліндегі тыңдалым және айтылым дағдыларын дамыту үшін телеграм каналында English learning ботын тиімді қолдану түрлерімен таныстырды. Асемгул Жузбаевна қызықты әрі оқушылардың сауаттылығын арттыруға арналған Jamboard, Padlet тақталарымен жұмыс жасау, ReadWorks, Socrative оқу және жазуға арналған сайттар, қашықтықтан әлемнің керемет жерлеріне Google Earth қосымшасы арқылы виртуалдық экскурия жасау мүмкіндіктерімен таныстырды.
